DAAWO SAWIRO General Ismaaciil Saxradiid oo ku dhawaaqay in Eey Weerar Ku Qadayaan Shabaabka Ku Harsan Jubooyinka
Taliyaha guud ee ciidamada Dowladda ee Jubbooyinka Generaal Ismaaciil Saxardiid oo warbaahinta kula hadlay garoonka diyaaradaha ee magaalada Kismaayo ayaa wuxuu faah-faahin ka bixiyay qorshaha Shabaab ee kaga aadan Gobalada ay ku sugan yihiin.
Generaal Saxardiid ayaa sheegay in ciidanka Dowladda ee Jubbooyinka muddo saddex sano ah ay tababar ku jireen ayna yimaadeen deegaanka qooqaani oo ku dhaw Degmada Afmadoow.
Wuxuu sheegay in intaasi kadib ay usoo gudbeen Magaalada Kismaayo ee xarunta Gobalka Jubadda hoose awood milaterina ay kula wareegeen muddo kadib sida uu sheegay.
Generaal Saxardiid ayaa sheegay in ciidamada Dowladda Soomaaliya ay qorsheynayaan inay weeraro ku qaadaan deeganada Shabaab ay ka joogaan Gobalada Jubbooyinka oo uu sheegay inay masuuliyad ka saaran tahay inay halkaasi ka saaraan.
Taliyaha ayaa cadeeyay in ciidamada Dowladda ee Jubbooyinka ay haysato dhibaato taasi oo uu ku sheegay inaysan helin mushaar iyo sidoo kale saad milateri intaba.
Saxardiid ayaa sheegay inay taageero ka helaan ciidamada Kenya oo dhanka tababarka,saadka,raashinka iyo waxyaabaha kale ee ay doonayaan ciidamada Dowladda ee Jubbooyinka.
Ugu dambeyn madaxda dowladda Soomaaliya ayuu ugu baaqay inay bixiyaan mushaaraadka ciidamada xooga dalka Soomaaliyeed si ay usii wadaan howlgalka milateri ee Jubbooyinka.
