Xagee ku Dambeeyaan Rag lala Xariiriyay Al-Shabaab oo laga soo qabtay Dalka Dibadiisa Muqdishana laga soo dajiyay?
Dowlada Soomaaliya ayaa waxa ay xabsiga kasii deysay tira mawaadiniin Soomaaliyeed ah oo waayahaan Muqdisho kuxirnaa kadib markii si aan shaac aheyn dowlada loogu soo gacan geliyay.
Dadkaasi lasii daayay ayaa waxaa dowlada Soomaaliya u soo gacan gelisay dowlada curdanka ah ee Suudaanta koofureed, halkaasi oo laga soo qabqabtay iyaga oo kusugan gobalada uu dalkaasi ka koobanyahaay gaar ahaan caasimada dalkaasi ee Jubba.
Dadkaan dhamaan waxa ay ku eedeesnaayeen Shabaabnimo, waxaana la sheegay in baaritaan dheer kadib lasii daayay qaar kamid ah oo lagu waayay denbi, halka qaarkii kalana xabsiyada lagu hayo , halka kuwa kalana damiin lagu sii daayay.
Dadkan Muqdisho laga soo dajiyay ayaa la sheegay kahor inta aan Magaalada la keenin in lasoo marsiiyay ciqaab adag qaarkood xitaa la sheegay in Cijiyaha laga siibay sida ee noo xaqiijiyeen Ehelada qaar kamid ah Dadkaasi lasii daayay.
Dowlada kama aysan hadlin arinkan ku aadan Dadka lagu Tuhunsanaa in Al-Shabaab katirsanaayeen ee laga soo qabtay Koonfurta Sudan iyo sababaha ka dambeeya in qaarkood dadkaan Xabsiga laga fasaxo.
Shalay Police-ka Soomaaliyeed waxa ay soo bandhigeen nin ay sheegeen in uu ahaa gacan kudhiigle horay uga baxsaday dalka oo ay Police-ka aduunku ay kasoo qabteen Suudaanta Koofureed.
Dadka lasii daayay oo aan tiradooda la shaacin waxaa qaar kamid ah eheladooda oo lahadlay shabakadaan Allbanaadir.com ay sheegeen in ay aad ugu faraxsanyihiin in wiilashooda oo aayahooda in badan ay ku wareersanaayeen ay dib ula midoobaan.
